Не е само Савиќ: Саудијците преговараат и со српскиот напаѓач

Сергеј Милинковиќ Савиќ е пред трансфер во Ал Хилал, дека работата е блиску да биде завршена потврди и претседателот на Лацио, Клаудио Лотито (ТУКА). Но, сега „Моцарт Спорт“ објави информација дека овој тим сака уште еден Србин во своите редови.

Наводно, Ал Хилал ќе испрати и понуда до Фулам за ангажман Александар Митровиќ. Саудискиот клуб веќе стапил во контакт со англискиот тим и напаѓачот и одлучен е во намерата да го доведе. Тие се спремни да му понудат многу поголема плата, а Фулам би требало да биде задоволен од оштетата.

Финансиките детали не се откриваат, но се наведува дека Митровиќ ќе заработува најмалку два-три пати повеќе.

Митровиќ во англиската Премиер лига зад себе има 128 натпревари и 38 постигнати голови. Во последната сезона настапи на 24 средби и постигна 14 голови.

Во Англија настапуваше и за Њукасл, вкупно на Островот помина осум години откако пристигна од Андерлехт, а сега би можел да дојде крајот на неговата европска епизода.