Не е само „Златната топка“: Винисиус останал и без огромен бонус

Бразилскиот ас Винисиус Жуниор важеше за прв фаворит за „Златната топка“ се до вчера, но на крајот остана без престижната награда.

Не го криеше разочарувањето Винисиус и со реакцијата на социјалните мрежи, a медиумите денеска дополнуваат и дека бил толку убеден во победата што и резервирал хотел за забава. Исто така на пријателите им ветувал и „Ролекс“ часовници.

Разочарувањето за Винисиус може да биде и поголемо затоа што Бразилецот имал клазула според која требало да добие еден милион евра бонус ако ја освои „Златната топка“.

Таква клазула во минатото во Реал Мадрид имаше и Карим Бензема кој успеа да ја освои и го доби бонусот.

Бразилецот беше блиску, меѓутоа вчера доживеа вистински шок.