Не даваме ниту евро повеќе: Хенес откри како Тотенхем го уценувал Баерн за Кејн

Поранешниот директор на Баерн Минхен, Ули Хенес откри детали околу трансферот на Хари Кејн во Баерн Минхен.

Хенес ги потврди информациите на медиумите дека газдата на Тотенхем, Даниел Леви во последен момент се обидел да извлече повеќе пари.

Екс-претседателот на германскиот гигант објасни што се случувало помеѓу 10-ти и 11-ти август

„Некаде околу полноќ постигнавме вербален договор, а тогаш два часа подоцна трансферот повторно се доведе во прашање. Тотенхем побара повеќе пари, но нашиот директор Дрисен кажа: Нема шанси ниту евро повеќе. Поминаа шест часа за Леви да прифати, ние бевме доволно тврдоглави авионот да чека на аеродромот. Помогна и што Кејн кажа дека ако не се финализира договорот ќе си замине следното лето бесплатно“, изјави Хенес.