Нејмар има услов: Ја сака ѕвездата на Реал за да остане во ПСЖ

Раководството на ПСЖ му порача на Нејмар да не помислува на трансфер во Реал Мадрид и дека по никоја цена нема да биде продаден во летниот преоден рок.

Веќе подолго време се шпекуира дека Нејмар не е среќен во Париз и дека Реал Мадрид е спремен да го сруши светскиот рекорд за да го донесе на „Сантиаго Бернабеу“.

Последните информации говорат дека Нејмар се помирил со фактот дека ќе остане на „Паркот на принцовите“, но има свои услови до раководството.

Имено, Бразилецот не е задоволен од играчкиот кадар и од клубот бара да го доведе неговиот сонародник Каземиро од Реал Мадрид.

ПСЖ на таа позиција е „многу тенок“. Тиаго Мота е на залес на кариерата, а Ло Челсо едноставно не е „тој калибар“ и беше најслаба карика на мечот против Реал Мадрид.

Нејмар го сака својот сонарник по секоја цена, но прашање е дали Реал ќе се согласи да го пушти Каземиро, со оглед на фактот дека Бразилецот е еден од најважните играчи во „кралскиот“ тим.