Нејмар ги воодушеви Бразилците со својата порака!

Најголемата бразилска ѕвезда, Нејмар ќе биде целосно опоравен пред почетокот на Мундијалот.

Нејмар изјави дека чувствува дека Светското првенство во Русија ќе помине во негов знак, со што ги воодушевни бразилските навивачи.

„Почнав да работам тренинзи со топка, додавам, шутирам, се чувствувам добро на теренот. Секако уште има некој страв, но полека полека ќе исчезне“, изјави Бразилецот.

„Мојата најголема инспирација е фудбалот и најмногу сакам да бидам на теренот. Светското првенство е најголемиот натпревар и сакам да го освојам. Тој пехар мора да биде мој!“, порача Нејмар.

Светското првенство во Русија почнува на 14 јуни, а Бразил настапува во Групата Е заедно со селекциите на Србија, Швајцарија и Костарика.