Некогаш и ние бевме дел, 42 европско првенство започнува без Македонија

Европското првенство во кошарка е пред самиот почеток, големиот собир на најдобрите европски репрезентации ќе започне утре со натпреварот помеѓу Словенија и Полска во 12:45 часот.

За жал македонската репрезентација која е далеку од најдобрите денови не успеа да избори пласман на 42 европско првенство на кое титулата ќе ја брани репрезентацијата на Шпанија.

Кога сме кај другите селекции,  скоро ниту една од пласираните репрезентации не е во полн состав, дел од кошаркарите го пропуштија поради повреда, а дел одлучија дека за нивните кариери најдобро е да не ги бранат боите на својата селекција на собирот на најдобрите европски селекции.

Од селекциите кои се издвојуваат како фаворите комплетна е репрезентацијата Литванија на последното европско првенство беше поразена во финалната пресметка од актуелниот шампион Шпанија.

Европското првенство ќе трае 18 дена, а финалната пресметка ќе се одигра на 17 септември.