Незаменливиот Бензема добива нов, побогат договор од Реал Мадрид

Шпанските медиуми пренесуваа дека Карим Бензема наскоро ќе стави потпис на нов договор и ќе ја продолжи верноста со Реал Мадрид.

Бензема ги договорил новите услови со „кралевите“ и така ќе стане еден од најплатените фудбалери во екипата на Зинедин Зидан.

Французинот наскоро треба да потпише договор до 2022 година, а според новиот договор ќе добива 11 милиони евра годишно.

Зидан му верува на неговиот сонародник во нападот, а Бензема на седум одиграни меча во Ла Лига постигна дури шест гола и една асистенција, па може да се каже дека е една од најсветлите точки во клубот во моментов.

Оваа информација секако не е добра за Лука Јовиќ, кој нема да може да добие шанса во нападот покрај одличниот Бензема.