Иако звучи помалку изненадувачки, Реал Мадрид нема победа на „Сантиаго Бернабеу“ во европските натпреварувања цела година!
Иако „кралевите“ добро стојат на табелата како во Примера, така и во Лигата на шампиони, сепак факт дека во последно време не играат добро пред својата публика.
Исхрана, повреди и тренинг – совети од доктор по спортска медицина | Уште еден поткаст
Најдобар податок за тоа е дека немаат европски триумф на „Сантиаго Бернабеу“ цела година, односно и нешто повеќе, бидејќи последната победа ја запишаа на 28-ми октомври 2018 година и тоа против Викторија Плзен со 2:1. Само неколку дена подоцна тогашниот тренер Лопетеги доби отказ после поразот од Барселона со 5:1.
После тоа Реал запиша некои катастрофални резултати на својот стадион во ЛШ. Прво загуби од ЦСКА Москва, а потоа во осминафиналето беше декласиран од Ајакс со 4:1. Неколку дена после тој пораз отказ доби и Солари, па на кормилото се врати Зидан.
Французинот оваа сезона го предводеше тимот само во еден натпревар на домашен терен во ЛШ и се спасуваше од пораз против Клуб Бриж (2:2).
Вечерва на „Сантиаго Бернабеу“ гостува Галатсарај во рамките на четвртото коло од ЛШ, па „кралевите“ се надеваат дека конечно ќе ја прекинат црната серија.
Учество во игри на среќа е дозволено за лица со 18+ години. Играј одговорно!