Неверојатната Аталанта сруши рекорд стар 68 години

Екипата на Аталанта изедначи рекорд на италијанската лига стар 68 години бидејќи има тројца играчи кои во сезоната постигнале 15 или повеќе голови.

Аталанта која е најефикасен тим во Серија А во своите редови ги има Јосип Иличиќ и Дуван Запата кои постигнаа по 15 гола, додека Луис Муриел успеа да постигне 17 голови.

Последниот тим кој имаше тројца играчи со барем 15 голови во една сезона беше Јувентус во сезоната 1951/1952. Тогаш такво остварување имаа Ермес Муцинели, Џампиеро Бониперти и Џон Хансен.

Аталанта на табелата е трета со 67 бодови, има бод помалку од Лацио и девет од лидерот Јувентус. Сезонава фудбалерите на Аталанта постигнаа 87 голови што е дури 20 повеќе од лидерот Јувентус.