НБА легендата: Дончиќ во Лејкерс? Прво треба да му го одземете пивото…

Изминатиот период во американските медиуми можеа да се прочитаат шпекулации кои го поврзуваа Лука Дончиќ со преселба во Лос Анџелес Лејкерс.

Во овој момент прашање е колку е тоа реално бидејќи во Далас словенечкиот кошаркар има голем договор. Според седумкратниот шампион кој во минатото го носеше дресот на Лејкерс, Роберто Ори, Дончиќ не е потребен на Лејкерс.

„Кога ќе му истече договорот ќе има 31,32 години…а ниту денес не е помеѓу најдобрите одбранбени играчи во лигата. Мораат да се доведат играчи кои играат добра одбрана. Лука не е таков. Има можеби одличен шут, меѓутоа прво и некој мора да му го одземе пирвото од рацете. Не е способен да се одржи во форма. Можеби ќе биде добар, но не е тоа што сега му треба на Лејкерс“, изјави Ори.

Изминатата сезона Дончиќ со Далас стигна до финалето во кое Бостон Селтикс ги победи со 4:1.