На Хајдук не му оди, а Гатузо вината ја префрли на – фудбалерите!

Eкипата на Хајдук во хрватското првенство одново ги разочара навивачите и во Пула одигра само 1:1 против Истра.

Тренерот Џенаро Гатузо очекувано добива критики по слабиот почеток на сезоната во која Хајдук влезе со големи ичекувања.

Италијанскиот стратег на прес-конференцијата по вчерашниот натпревар дел од вината префрли на фудбалерите.

„Истра е екипа која може да те казни од контри, тоа беше видливо. Имавме доста шанси, ама кога топката не влегува во голот – не може да се победи.

Кога тимот не креира доволно, проблем е што си заминуваш од натпреварот со прашалници. Кога создаваш и промашуваш, исто така не е лестно. Сепак, што може тренерот да направи кога неговите фудбалери промашуваат?“, изјави Гатузо.

По четири кола во хрватското првенство Хајдук има две победи и две нерешени. Меѓутоа освен со резултатите Гатузо имаше проблем и со атмосферата во тимот, а како што е познато го острани Иван Перишиќ од составот.