На три часа пред крајот, сагата околу Ван Дајк е заокружена: Каква е реакцијата кај навивачите на Ливерпул?

Речиси цело лето се пишуваше на големо за ова момче и заминувањето од Саутемптон, а на расплетот се чекаше до последниот момент.

Британски „Скај Спорт“ вели дека Вирџил Ван Дајк дефинитивно останува во Саутемптон.

Така пропаднаа повеќемесечните обиди Ливерпул да го ангажира, сакаа да го направат најскап стопер на сите времиња, беа подготвени да издвојат 70 милиони фунти, но од Саутемптон останаа имуни на тоа, но и на понудите од Челзи и Арсенал кои нудеа помала вредност.

Едноставно, одлуката на клубот е дека Ван Дајк не е на продажба, дали тоа му се допаѓа или не.

Секако, кога е во прашање последниот преоден рок, не треба да ги отфрли и последните сензационални пресврти, но за тоа сега остана само малкувреме, па Ливерпул сепак ќе остане без толку посакуваното засилување.