На само два дена пред натпреварите променето правило во Купот на Италија

На два дена пред рестартот на фудбалот во Италија после тримесечната пауза поради коронавирусот сменето е едно правило во купот.

Јувентус и Милан го играат првото полуфинале во петок откако првиот натпревар заврши 1:1, а еден ден подоцна Наполи го пречекува Интер со предност од 1:0.

Претходно во Купот на Италија ако натпреварот завршеше со идентичен резултат имаше продолженија, меѓутоа сега тоа е променето.

Според новото правила ако Јувентус и Милан ремизираат 1:1 или ако Интер победи 1:0 против Наполи нема да има продолженија туку директно ќе се извеуваат пенали.

Причината за промена на ова правило е фудбалерите дополнително да не се заморуваат пред рестартот на сезоната и згуснатиот распоред во наредниот период.