На играчите на Интер им забранија играње за репрезентација

Играчите на Интер нема да можат да се јават на повикот на своите репрезентации за време на мартовскиот термин, потврдија од клубот.

Интер денес се огласи со соопштение и потврди дека здравствените власти ги задолжиле сите во клубот да останат во изолација до понеделник на утро, кога повторно сите ќе бидат тестирани на коронавирус.

Во Интер четворица фудбалери дадоа позитивен тест во последните два дена, па здравствените власти им забранија на сите во клубот секакви активности во наредните четири дена.

Тоа значи дека ќе биде одложен мечот со Сасуоло во сабота, а на играчите им е забрането да патуваат во своите репрезентации.

📑 | COMUNICATO@Stefandevrij e @vecino sono risultati positivi al Covid-19: l'ATS di Milano ha predisposto il divieto di disputa di #InterSassuolo in programma sabato 20 marzo 2021 👇 https://t.co/jlPRsFzXkL

— Inter (@Inter) March 18, 2021