Најплатениот играч на Манчестер Сити вреди три пати повеќе отколку цел Динамо

Динамо Загреб вечерва гостува кај Манчестер Сити во второто коло во групната фаза од Лигата на шампионите.

Клубот од „Максимир“ во второто коло изненади со високата победа над Аталанта од 4:0, но вечерва не им се даваат многу шанси против шампионот на Англија.

Јасно е дека Сити е голем фаворит и се освен победа на „граѓаните“ вечерва би било еднакво на сензаицја.

Разликата помеѓу Манчестер Сити и Динамо е огромна, а тоа најдобро го покажува финансискиот сегмент. Имено, играчкиот кадар на Сити вреди 1.28 милијарди евра што е 12 пати повеќе од вредноста на Динамо.

Најплатениот играч на Манчестер Сити Кевин Де Брујн годишно заработува 20.6 милиони евра. Колкава е разликата помеѓу Сити и Динамо најдобро покажува дека самиот Де Брујн годишно заработува три пати повеќе отколку сите играчи на Динамо заедно.

Меѓутоа парите не се се во фудбалот и тоа се докажа многу пати досега, па ќе видиме дали Динамо ќе може вечерва да изненади.