Најискусните во Србија поставиле услов – или ние или Пикси!

Бурно е во Србија по вчерашната елиминација од Европското првенство уште во групната фаза.

Драган Стојковиќ-Пикси ќе остане на клупата на Србија, самиот најави дека нема да поднесе оставка, додека ако раководството на сојузот сака да го избрка ќе треба да му плати еден милион евра. (ТУКА).

Но, денеска „Информер“ пренесува дека најискусните фудбалери во тимот нема да играат додека е Пикси селектор.

Наводно, Душан Тадиќ, Александар Митровиќ, Сергеј Милинковиќ Савиќ и голманот Рајковиќ повеќе нема да го носат дресот на репрезентацијата додека не дојде до смена.

Ако информацијата на „Информер“ е точна нема дилеми дека во Фудбалскиот сојуз на Србија ќе мораат да размислат и покрај високата оштета.