Најдобриот дриблер во Премиер лигата не постигнал гол цела година

Aдама Траоре веќе една година е без гол во Премиер лигата иако статистички е најдобар дриблер во првенството.

Оваа сезона одигра 63% од минутите во Премиер лигата, но тоа му беше доволно да забележи најмногу дриблинзи. Тоа е одличен учинок, но сепак Вулверхемптон нема голема корист од тоа бидејќи Траоре сезонава нема ниту гол, ниту асистенција.

Сезонава игра послабо од претходната. И понатаму има одличен учинок во дриблинзите, но скоро сите други парамтери укажуваат дека е непрепознатлив.

Минатата сезона постигна шест и намести 12 голови во 54 натпревари во оваа после 16 натпревари во сите натпреварувања е без гол и без асистенција.