Наполи потврди дека почнал преговори за полската „гол-машина“

Полскиот репрезентативец Криштоф Пијатек оваа сезона е вистинска сензација во Серија А.

Пијтек го привлече вниманието на многу европски гиганта, а претседателот на Наполи, Аурелио де Лаурентис потврди дека веќе започнал преговори со Џенова.

„Веќе разговарав со Прециози и со агентот на фудбалерот. Треба да договореиме следен состанок, ќе оставиме Анчелоти да одреди дали и кога ни е потребен. Не сакаме да се вклучуваме во никаква аукција, но сме силно заинтересирани за напаѓачот“, изјави Де Лаурентис.

23-годишниот Полјак брилјира во Џенова оваа сезона и веќе постигна 9 гола во првите седум меча.

Пијатек ова лето пристигна во Серија А за само 4 милиони евра, а неговата цена во моментов изнесува околу 40 милиони евра.

https://youtu.be/6YbJ0m7hsNU