Навивачите ќе почекаат за првиот меч во Париз: ПСЖ без Меси во 5. коло од Лига 1

Лионел Меси нема да биде во комбинација за настап за ПСЖ оваа сабота во рамките од 5. коло во француската Лига 1 во кое „светците“ ќе играат против Клермон.

Меси во договорот има клазула која му овозможува да не игра за ПСЖ ако има обврски кон Аргентина. Токму и настапот за репрезентацијата ќе биде причината за неговото отсуство.

Аргентина во петок наутро во 1:30 часот по полноќ по средноевропско време ќе игра против Боливија во квалификациите за СП. Така јасно е дека нема да стигне следниот ден да игра за ПСЖ во Лига.

Ова значи дека домашните ќе почекаат на негово деби во Париз, Меси за ПСЖ одигра 25 минути на гостувањето кај Ремс во минатото коло.