Навивачите на Интер спремаат инвазија на Рим

Лацио и Интер во последниот натпревар оваа сезона од Серија А на „Олимпико“ ќе водат битка за четвртото место и пласман во Лига на шампиони.

Пред последното коло Лацио има 72 бода и го држи четвртото место, а Интер има три бода помалку од римскиот клуб, но во случај на победа ќе ги претекне „бјанкочелестите“.

Колку овој меч е важен за „нероаѕурите“ покажува и фактот што дури 12.000 навивачи на Интер најавиле доаѓање на „Олимпико“. Се претпоставува дека околу 7.000 навивачи ќе пристигнат од Милано, а останатите 5.000 од други делови на Италија.

Инаку, „Олимпико“ готово сигурно ќе биде цел распродаден и се очекуваат околу 70.000 гледачи.