Навивачите го критикуваа, Мончи им одговори!

Фановите на Рома ова лето очекуваа повеќе од Мончи кој неодамна пристигна во клубот.

„Волчицата“ ова лето ги доведе Дефрел, Коларов и Шик, но навивачите очекуваа многу повеќе.

Имено, Мончи пристигна со репутанција на човек кој се претвора во „злато“, но навивачите на клубот од Рим не се задоволни од она што тој го сработи во летниот преоден рок.

Но, Мончи излезе во јавноста и им одговори.

„Не е најважната работа да се купуваат играчи. Имавме план, се засиливме на позиции на кои бараше Ди Франческо. Замина Салах, но ги задржавме најважните фудбалери“, објасни Шпанецот.

Тој додаде и дека првата цел на клубот била да се задржат Наинголан, Стротман и Џеко, како и да доведе играчи за формација 4-3-3 која ја форсира новиот тренер. Шик и Дефрел се вложувања за иднината, додека Коларов е решението за проблемот со левата бековска позиција.