Мурињо прави силна екипа за ЛШ: Ќе купува двајца играчи од Реал Мадрид?

Манчестер Јунајтед на лето повторно ќе биде еден од клубовите кои ќе трошат многу пари на трансфери.

Како што соопшти шпанското „RCN“ радио, Мурињо на лето на „Олд Трафорд“ ќе се обиде да ги донесе двајцата играчи на Реал Мадрид. Истиот извор пишува дека Манчестер Јунајтед е подготвен за Хамес Родригез и Герет Бејл да плати неверојатни 155 милиони фунти.

За Бејл, „Црвените ѓаволи“ ќе понудат 90 милиони фунти, додека понудата за Родригез ќе изнесува 65 милиони фунти.

Потсетуваме, Манчестер Јунајтед минатото лето издвои огромна сума на пари за доведувањето на Погба, Михитарјан, Бејли, додека Ибрахимовиќ дојде само „за плата“.