Мурињо понуди „стотка“ за СМС, ако Лацио каже ДА, Погба се сели во Барселона

Италијанските медиуми пренесуваат дека Манчестер Јунајтед испратил прва официјална понуда од 100 милиони евра за Сергеј Милинковиќ-Савиќ.

Ѕвездата на Лацио е еден од најбараните играчи на трансфер пазарот и готово сигурно дека ќе направи трансфер до крајот на преодниот рок.

Најконкренет интерес до сега покажуваат „црвените ѓаволи“ кои понудиле 100 милиони евра за Србинот. Италијанските медиуми пренесуваат дека Лацио бара додатни 20 милиони евра за да го пушти Милинковиќ-Савиќ.

#premiumsport#Milinkovic, offerta da 100 milioni alla #Lazio. Qui i dettagli. https://t.co/meAxiMe1Qx

— PremiumSportHD (@PremiumSportHD) August 7, 2018

Доколку успее да го реализира овој трансфер, тогаш Мурињо ќе даде зелено светло за трансферот на Погба во Барселона. Каталонците за Французинот нудат 100 милиони фунти, а Мурињо во СМС гледа идеална замена.

До затворање на трансфер пазарот во Англија остануваат уште само два дена, но се очекува да се случат неколку бомбастични трансфери.