Мурињо го купува својот сонародник од Реал Мафрид

Жозе Мурињо ова лето потроши околу 200 милиони евра на засилувања, но тоа не донесе голем резултат во таборот на Манчестер Јунајтед.

Многумина сметаа дека Мурињо одма ќе ги поправи работите, и покрај тоа што ништо не функционира во Јунајтед. За да се реализира планот на Португалецот, нему му е неопходна пожртвувана одбрана, па ќе биде приморан да пазарува и во јануари.

Додатни проблеми за Мурињо претставува и повредата на стоперот Баи кој ќе отсуствува до февруари, па медиумите на Островот тврдат дека „Специјалниот“ ќе тргне по потписот на својот сонародник од Реал Мадрид, Пепе.

Пепе не е во најдобра ситуација во Реал Мадри и му истекува договорот на крајот на сезоната, па „кралевите“ доколку сакаат да заработат на неговото заминување ќе мораат да го продадат во јануари.

Челниците на Јунајтед веќе започнале преговори со неговиот агент и му понудиле договор до 2019 година, па сега останува уште двата клуба да се договорат за обештетувањето.