Мурињо брутаен пред дербито: Кога ќе дувне посилен ветер играчите на Сити паѓаат како покосени!

Денешниот натпревар помеѓу Манчестер Јунајтед и Манчестер Сити ќе биде еден од најгледаните на сите времиња.

По 175-ти пат ќе се сретнат клубовите од Манчестер, но ретко кога во ваква ситуација. „Граѓаните“ после 15 кола имаат 14 победи и само едно реми, па на „Олд Трафорд“ ќе пристигнат со 8 бода предност.

„Полека. Без разлика дали денес ќе победиме, ремизираме или загубиме, денес сигурно нема да го освоиме првенството. Се уште е е декември“, изјави Пеп Гвардиола, кој нема намера да се брани на „Олд Трафорд“.

„Никогаш не сум негувал дефанзивен фудбал. Јас сакам да се надигрувам, сакам кога мојот тим ја има топката и така ќе се поставиме и на овој натпревар. Ќе престанам да се бавам со оваа работа ако почнам да паркирам автобус пред својот шеснаесетник“, додаде Гвардиола.

Ова ќе биде 20-от меѓусебен натпревар помеѓу Гвардиола и Мурињо. Португалецот доби само 6 меча, а Гвардиола два повеќе. На тие натпревари досудени се 73 жолти и дури 10 црвени картони, а „Специјалниот“ се пожали на однесувањето на играчите на Сити.

„Би рекол дека многу лесни ја губат рамнотежата. Ако дувне малку посилен ветер и тие веднаш паѓаат. Тоа ми е малку чудно“, изјави Мурињо во свој стил.