„Мундо Депортиво“: Барселона го договори првото засилување за јануари

Управата на Барселона го завршила првото засилување во јануарскиот преоден рок.

Така барем тврди „Мундо Депортиво“, а станува збор за одбранбениот фудбалер на Манчестер Сити, Ерик Гарсија.

Гарсија одби да го продолжи договорот со Манчестер Сити поради интересот од Барселона. Се очекуваше Гарсија да премине во Барселона на крајот од сезоната како слободен играч, но во Барселона одлучиле овој трансфер да го завршат сега во јануари.

Манчестер Сити ќе заработи пет милиони евра, а Гарсија ќе потпише договор со Барселона на пет ипол години.