Морати: Киелини ме разочара, жал ми е за Балотели

И понатаму познатите имиња во Италија реагираат на изјавата на Џорџо Киелини кој зборуваше за Марио Балотели и Фелипе Мело.

За Киелини, Мело и Балотели се најлошите личности помеѓу фудбалерите. И Мело и Балотели секако му одговорија на стоперот.

Последен кој реагираше на изјавата на Киелини беше поранешниот претседател на Интер, Масимо Морати. Морати е изненаден и истакна дека не очекувал такво нешто од Киелини.

„Бев разочаран кога слушнав што кажал затоа што Киелини ми се допаѓа како играч и човек. Тој интелигентен, она што го направи ме изненади. Жал ми е за Балотели затоа што многу често е третиран на лош начин“, изјави Морати.