Денес македонската млада фудбалска репрезентација со натпреварот против Гибралтар ги заврши квалификациите за Европското првенство 2019 година во Италија.
Македонија денес го победи Гибралтар со 6:1 и така барем му се одмаздивме на атусајдерот кој пред една година не шокираше на гостински терен со победа од 1:0.
Пред дербито, падна најважниот потпис во Манчестер Сити! ↓↓↓
Најмногу денес се истакна Димитар Митровски кој постигна три погодоци, а по еден постигнуваа Руфати, Ѓорѓев и Здравковски. Македонија одигра одличен натпревар и во текот на целиот натпревар доминиравме, противникот успеа да постигне гол после една наша грешка.
Со оваа победа квалификациите ги завршуваме како претпоследно пласирани со седум освоени бодови, три повеќе од последнопласираниот Гибралтар (единствените бодови ги освои во победата против нас).
Иако останатите натпревари од нашата група се уште не се одиграле, јасно е дека Србија ќе ја освои првата позиција, додека Русија и Австрија се борат за втората.
Учество во игри на среќа е дозволено за лица со 18+ години. Играј одговорно!