Милан спрема уште четири засилувања ова лето

Милан е еден од најактивните клубови на трансфер пазарот ова лето, а италијанските медиуми тврдат дека „росонерите“ спремаат уште четири засилувања до крајот на преодниот рок.

Приоритет ќе биде доведување на плејмејкер што треба да биде замена за Чалханоглу, а „Кориере дело Спорт“ тврди дека најблиску е хрватскиот репрезентативец Никола Власиќ од ЦСКА.

Милан сака да донесе уште и десен бек и преговара со Манчестер Јунајтед за Диого Далот, а ќе биде доведен и уште еден играч за врска како алтернатива за Кеси.

Најголемо засилување треба да пристигне на десната крилна позиција каде тренерот Пиоли не е задоволен од Кастиљехо. Најголеми желби се Берарди од Сасуоло и Хаким Зијех од Челзи.

Милан од почетокот на преодниот рок ги доведе Мањан, Жиру и Бало Туре, а ги откупи договорите на Томори, Тонали и Брахим Дијаз.