Милан договори засилување во одбраната

Дефанзивецот на Специја и полски репрезентативец Јакуб Кифор е голема желба на италијанскиот шампион Милан.

22-годишниот Кифор минатата сезона се етаблираше во еден од најдобрите млади дефанзивци во Серија А, а и на Мундијалот покажа одлични партии.

Тој го привлече вниманието на многу европски клубови, а силен интерес за него покажуваат уште Јувентус, Рома, Вест Хем и Лестер.

Меѓутоа Милан ја победил конкуренцијата и ги договорил и личните услови со агентот на полскиот репрезентативец, па сега треба да ја договори отштетата со Специја.

Малдини во него гледа идеален наследник на Кјаер, кој е на залез на кариерата.