Милан го наградува Тонали со нов договор

Сандро Тонали игра фантастична сезона во дресот на Милан и е еден од најзаслужните што „росонерите“ се на чекор до освојување на Скудетото.

Тонали минатото лето беше откупен од Бреша и прифати помала плата за да остане во Милан, па во моментов е еден од најмалку платените играчи во тимот.

Италијанските медиуми пренесуваат дека Милан сака да го награди Тонали за добрите партии и веќе започнале преговори за нов договор.

„Росонерите“ во него гледаат иднина на тимот и ќе му понудат двојно поголема плата од сегашните 1,6 милиони евра до 2026 година, а се очекува потписот да биде ставен по завршување на сезоната.