Милан најде замена за Сусо: Пристигнува ѕвездата на Андерлехт

Милан во зимскиот преоден рок се ослободи од Сусо и Пјонтек, па сега е во потрага по нов напаѓач.

Сусо после цели четири години го напушти Милан и кариерата ќе ја продолжи во Севиља, а „росонерите“ од тој трансфер ќе заработат 22 милиони евра плус бонуси.

Италијанските медиуми пренесуваат дека Милан веќе пронашол замена за Шпанецот и е во напредни преговори со Андерлехт за трансфер на Алексис Селемаркс.

Станува збор за 20-годишен крилен напаѓач кој оваа сезона игра фантастично и го привлече вниманието на многу европски гиганти.

Милан брза да го комплетира трансферот до затворање на трансфер прозорецот, а Белгиецот би требало да ги чини „росонерите“ 10 милиони евра.