Меси по натпреварот со Хаити: Го пронајдов мојот партнер на теренот, името му е – Кристијан Павон

Репрезентацијата на Аргентина пред почетокот на Мундијалот одигра контролен натпреварот против Хаити кој го доби со 4:0, а на оваа средба Лионел Меси запиша хет-трик и запиша една асистенција.

Секако, Хаити не е репрезентација достојна на нивото на Аргентинците, а најголема добивка од оваа средба може да биде соработката помеѓу првата ѕвезда Меси и младиот талент на Бока Јуниорс Кристијан Павон.

Павон влезе од клупата за резерви и му асистираше на Меси за хет-трик, а после натпреварот доби големи пофалби од медиумите, селекторот Сампаоли и Меси.

„Пронајдов партнер натеренот. Името му е Кристијан Павон. Брз е и единствен. Тој ни носи нешто поинакво. Пронаоѓа простор, втрчува помеѓу стоперите и бековите, прави разлика како и Анхел Ди Марија“, изјави Меси.

„Кристијан е играч кој има посебно ниво на комуникација со Меси. Влегува во простор, се нуди цело време, динамичен е и има важна улога во нашата репрезентацијата. Одработи одлична работа после влегувањето од клупата“, гласеа пофалбите од селекторот Сампаоли.