Меси нема да игра вечерва против Еибар

Фудбалерите на Барселона вечерва на свој терен играат против Еибар во 16. коло од шпанската Ла Лига.

После неколку дена пауза се продолжува натпреварувањето во Ла Лига, а каталонскиот клуб сака со победа да ја заврши 2020 година која за нив беше исклучително турбилентна.

Роналд Куман одлучи вечерва да игра без Меси кој доби повеќе дена одмор од остатокот од екипата. Наводно, Аргентинецот има лесна повреда на десната нога.

Но, многумина веруваа дека тоа е само изговор Меси да остане подолго во Аргентина со семејството за Божиќ. Сепак, тој утрово се врати во Барселона и веќе утре ќе биде на тренингот.

Јасно е дека Меси вечерва нема да игра, но и покрај тоа Барселона е голем фаворит во овој дуел.