Меси демантира: Јас не го „блокирав“ Икарди!

Лионел Меси ги демантираше информациите кои се појавија во медиумите.

Одличниот напаѓач на Интер, Мауро Икарди еден период не добиваше повик во националниот тим на Аргентина, а многумина претпоставуваа дека проблемот е Лионел Меси.

Како што се пишуваше, наводно Меси не бил во добри односи со Мауро Икарди, се споменуваше дека тоа е така поради пријателството на Меси со Макси Лопез, а на сите добро познато е им е што Икарди му направи на Лопез.

Сепак Меси овие информации ги негираше.

„Се пишуваше дека јас не сум го сакал Икарди во националниот тим. Не сум јас тој кој одлучува. Никогаш не сум кажал такво нешто, сето тоа е лага“, изјави Меси.