Мбапе откри кој е негов фаворит за „Златната топка“

Ѕвездата на ПСЖ, Килијан Мбапе го посочи својот фаворит за престижната награда „Златна топка“, која ќе биде доделена на церемонија следната недела, на 2-ри декември.

Младиот Французин смета дека наградата треба да заврши во рацете на Лионел Меси, кој ја доби наградата на ФИФА оваа година и е еден од главните фаворити и за „Златната топка“.

„Кога се во прашање индивидуалните настапи, Меси набвистина беше најдобар“, изјави Мбапе.

Многумина сметаат дека токму Мбапе е следното големо име во фудбалот кој ќе освои неколку „Златни топки“.