Мбапе: Критиките во Франција може да ме натераат да заминам од ПСЖ

Ѕвездата на ПСЖ и француската репрезентација, Килијан Мбапе призна дека е уморен од критиките кои ги добива на негова адреса во татковината.

Мбапе не негира дека таквите критики можат да влијаат на неговата одлука дали ќе остане во ПСЖ или ќе замине во странство.

„Се разбира дека после изведно време се уморуваш од критиките. Особено кога играш за клуб од твоја држава и даваш се од себе си за националниот тим. Уморен сум од сето тоа. За тие кои идат од други земји е поразлично да играат за Франција. Јас знаев за тоа кога потпишав за ПСЖ. Ќе видиме што ќе стане во иднина“, истакна Мбапе.

„Може критиките да влијаат на решението дали ќе останам во ПСЖ на крајот на сезоната. Најважно е да се чуствуваш добро секој ден. Засега нема напредок во преговорите со ПСЖ, ако има ќе ве известам“, додаде младиот Французин.