Мбапе и Верати го убедиле Нејмар да остане во ПСЖ

Најскапиот фудбалер на светот, Нејмар цело лето беше главна тема на трансфер пазарот бидејќи сакаше да го напушти Пари Сент Жермен.

Барселона и Реал Мадрид беа силно заинтересирани за Бразилецот, кој настојуваше по секоја цена да се врати во Шпанија.

Напаѓачот е разочаран од однесувањето на Барселона, бидејќи Каталонците не направија се за да го донесат во своите редови. Парижаните ќе се обидат да ја искористат таквата ситуација и да го убедат Бразилецот да остане во клубот. 

„Паризиен“ тврди дека неговите соиграчи Марко Верати и Килијан Мбапе го убедиле Нејмар да остане во Париз ова лето.

И двајцата се добри пријатели со Бразилецот и сакаат да го имаат што е можно подолго во тимот, па сега го убедуваат да остане што е можно подолго.