Манчестер Јунајтед ја испратил понудата за Депај

Maнчестер Јунајтед се обидува да се засили во финишот од преодниот рок, а во игра сега е Мемфис Депај.

Депај се поврзуваше со Јувентус, но таа опција дефинитивно пропадна откако во Торино пристигна Милик. Познатиот новинар Жаерар Ромеро пренесува нови информации за ситуација помеѓу Депај и Јунајтед.

Наводно, Манчестер Јунајтед испратил понуда од 10 милиони евра за Холанѓанецот кој своевремено играше на „Олд Трафорд“.

Депај нема ништо против заминвуање од Барселона, но бара и преголема плата, токму поради тоа пропадна неговиот трансфер во Јувентус. Има и понуда од Реал Сосиедад, но Холанѓанецот преферира преселба во Манчестер Јунајтед.

Во Манчестер Јунајтед веројатно би бил замена за Кристијано Роналдо кој и денес против Саутемптон не беше во стартниот состав.