Манчестер Јунајтед и Гаранчо постигаа договор

Манчестер Јунајтед постигнал договор со Алехандро Гаранчо за продолжување на договорот, пренесуваат англиските медиуми.

Новиот договор ќе биде за пет години и 18-годишниот талент очекувано ќе добие значително зголемување на платата. Останува да се договорат само одредени детали околу имиџ-правата на Аргентинецот.

Гаранчо оваа сезона не само што добива шанса кај Тен Хаг, туку се етаблираше во многу важен фудбалер, па до сега запиша 25 меча во сите натпреварувања.

Гаранчо покажа дека е еден од најголемите таленти во моментов, па го привлече вниманието на Реал Мадрид, ПСЖ и Баерн Минхен. Тоа го натера Јунајтед брзо да реагира и да започне преговори.

Гаранчо наскоро ќе стави потпис на нов договор и ќе ја продолжи верноста со „црвените ѓаволи“.