Манчестерско дерби за одбраната на Тотенхем

Манчестер Јунајтед е подготвен да му понуди на Тотенхем 130 милиони евра за триото Кајл Вокер, Ерик Дајер и Дени Роуз, денеска објави „Daily Star“.

Истиот извор пишува дека менаџерот на Јунајтед, Жозе Мурињo планира целосна реконструкција на гигантот од „Олд Трафорд“, а на наведените играчи е подготвен да им понуди плата од најмалку 120,000 евра неделно.

Слични желби како Јунајтед има и градскиот ривал, Сити, кој во своите редови сака да го доведе бековскиот тандем Вокер-Роуз, но Тотенхем нема во план да ги продаде овие тројца играчи.

Најблиску до заминување е Вокер поради влошените односи со менаџерот Маурсио Покетино и неговата замена е одличниот Керан Трипије, кој веќе се наоѓа во стартната постава на Тотенхем.

Тотенхем за Вокер бара 47 милиони евра, што не претстава проблем за некој од клубовите од Манчестер, кој со трансферите сакаат дополнително да го ослабат второпласираниот тим во Премиер лигата.