Малдини: Се е договорено со Ернандез, треба само да потпише

Спортскиот директор на Милан, Паоло Малдини ги израдува навивачите на овој клуб.

Пред вчерашното дерби со Јувентус кое се играше на „Сан Сиро“ Малдини на новинарите им потврди дека Тео Ернандез во наредните денови ќе потпише нов договор.

„Тео Ернандез ќе го продолжи договорот во следните денови. Постигнавме договор, само прашање на време е кога ќе потпише“, изјави Малдини.

Одличниот француски бек ќе потпише договор на пет години и во овој момент тој е еден од клучните играчи на „росонерите“ кои се наоѓаат на втората позиција. Ернандез во Милан пристигна летото 2019 година од Реал Мадрид за сума од 15 милиони евра и се покажа како полн погодок на управата на италијанскиот клуб.