Македонските надежи во последна минута испуштија победа против Ерменија

Младата репрезентација на Македонија во драматичен натпревар ремизираше против врсниците од Ерменија со резултат 3:3.

Македонија во еден момент имаше два гола предност (3:1), но на крајот Ерменците со два гола во финишот успеаја да се спасат од пораз.

Првиот погодок на мечот го постигна Јани Атанасов, кој во 25-та минута изнуди слободен удар, а потоа и го матираше противничкиот голман.

Во вториот дел во 56-та минута гостите израмнија од пенал преку Аветисјан. Сепак, Македонија исто така преку пенал на Здравковски дојде до нова предност, а потоа даде и трет гол преку Чурлинов.

Меѓутоа, ни двата гола предност не беа дволни за триумф. Најпрво во 90-та минута Амановиќ си постигна автогол, за во третата минута од судиското надопонување Аветисјан да се избори за реми.