ЛШ: „Енфилд“ виде пет погодоци, радост донесе Фирмино, Белград ќе го слави бодот на Звезда! (ВИДЕО)

Вечерва во Лигата на шампионите со почеток од 21:00 часот беа одиграни шест натпревари.

Дербито на вечерта се играше на „Енфилд“ помеѓу финалистот Ливерпул и богатиот тим на Пари Сен Жермен. На оваа средба беа постигнати и најмногу погодоци.

Натпреварот помеѓу европските гиганти кои имаат за цел да одат до самиот крај донесе возбдувања од самиот почеток, а во првите 45 минути видовме три погодоци.

Даниел Стариџ во 30-тата минута го искористи одличното нафрлување на Робертсон и го отвори резултатот. Само шест минути подоцна, „црвените“ добија удар од белата точка.

Goal Sturridge. Liverpool-PSG 1-0. #LIVPSG #LiverpoolPSG #ChampionsLeague pic.twitter.com/PmGbdtcgrW

— SportJunkie (@SportJunkie8) September 18, 2018

Сигурен реализатор на најстрогата казна беше Џејмс Милнер.

??????? | 2-0 Jimmy Milner ?#lfc

pic.twitter.com/CH7w3MSWpX

— Liverpool Gifs (@lfcgif) September 18, 2018

Муниер на пет минути пред истекот на првиот дел го совлада Алисон за намалување на предноста на Ливерпул.
Со резултатот 2:1 се замина и на полувреме.

Meunier gets one back for PSG! #ChampionsLeague pic.twitter.com/ivKH79X5Ku

— FútbolMatrix ⚽ (@FutboIMatrix) September 18, 2018

За нови погодоци се чекаше финишот од натпреварот. Прво Килијан Мбапе во 83-тата минута изедначи на 2:2, а кога сите очекуваа гигантите да ги поделат бодовите Роберто Фирмино во втората минута од судиското продолжение постигнува погодок за конечни 3:2 и важни три бода за минатогодишниот финалист.

Buuuuuuut de #MBappé !!!
Sur passe de #Neymar!!2-2 Good bye Liverpool !!!
??#LIVPSG pic.twitter.com/ZdNJcxHbem

— miranda matricule 5097 (@mimimatic) September 18, 2018

What a finish by Firmino ? #LFC pic.twitter.com/LXzzF5ZKEX

— Anfield Press (@AnfieldPress) September 18, 2018

Натпреварот кој привлекуваше големо внимание на овие простори помеѓу Црвена Звезда и италијански Наполи беше завршен без погодоци 0:0.

Во останатите натпревари Шалке и Порто одиграа 1:1, Атлетико Мадрид славеше на гости против Монако со 1:2, Дортмунд запиша минимална победа на гостувањето кај Бриж 0:1, додека Галатасарај на свој терен беше убедлива против Локомотив Москва 3:0.