Лопетеги на чекор од Премиер лигата!

Јулиен Лопетеги е блиску да стане нов тренер на Вулерхемптон.

Оваа вест ја пренесоа бројни англиски медиуми кои тврдат дека Шпанецот сега е подготвен да ја прифати понудата од овој тим која ја одбил пред еден месец.

Причините беа од приватен карактер, бидејќи неговиот татко беше во лоша здравствена состојба, но сега е многу подобар, а Лопетеги е подготвен да се врати на тренерската работа.

Неодамна доби отказ од Севиља по очајниот старт на сезоната, но сепак забележа одлични резултати со Андалузијците бидејќи беше редовен учесник во Лигата на шампионите, а во 2020 година ја освои и Лигата на Европа.

Пред Севиља не се прослави на клупата на Реал Мадрид каде набрзина седна непосредно пред Светското првенство во Русија. Како селектор на Шпанија, Лопетеги изгради моќен тим, а пред патувањето во Русија не можеше да ја одбие поканата на Флорентино Перез, кој бараше замена за Зинедин Зидан.