Лига на шампиони со нови термини: Ова се сатниците за првото коло!

Љубителите на фудбалот со нетрпение го очекуваат почетокот на новата сезона во Лигата на шампиони, но оваа сезона мечевите нема да се играат во препознатливиот термин од 20:45.

Првото коло на програмата е во вторник и среда, ќе донесе многу квалитетни натпревари, а новитет е секако новите термини кои ги одреди УЕФА.

Па така натпреварите Интер – Тотенхем и Барселона – ПСВ ќе се играат од 18:55 часот, а преостанатите мечеви утре се од 21 часот.

Се играат уште: Клуб Бриж – Борусија Дортмунд, Црвена Звезда – Наполи, Галатасарај – Локомотив М, Ливерпул – ПСЖ, Монако – Атлетико и Шалке – Порто.

Во среда од 18:55 ќе играат Ајакс – АЕК и Шахтјор – Хофенхајм, додека во вечерниот термин од 21 часот се Бенфика – Баерн Минхен, Манчестер Сити – Лион, Плзен – ЦСКА, Реал Мадрид – Рома, Валенсија – Јувентус и Јанг Бојс – Манчестер Јунајтед.