Ливерпул го продава Фирмињо, му најде замена

Ливерпул е спремен на лето да се раздели со својата голема ѕвезда, Роберто Фирмињо, пренесуваат медиумите на Островот.

30-годишниот Бразилец има договор на уште 15-месеци со Ливерпул и клубот нема намера да му понуди нов, туку ќе го стави на трансфер листа на лето.

Од почетокот на сезоната Фирмињо имаше неколку повреди и го загуби местото во стартниот тим и до овој момент има постигнато седум гола.

Со оглед на падот на неговата форма и краткиот договор со Ливерпул, „црвените“ сметаат дека сега е вистинско време за продажба и му поставиле цена од 20 милиони фунти.

Англиските медиуми пренесуваат дека Клоп веќе нашол замена за Бразилецот и го сака Џонатан Дејвид од Лил, чија цена во моментов изнесува околу 50 милиони евра.