Легендарниот италијански голман и еден од најдобрите на сите времиња, Дино Зоф му предвидува блескава иднина на младиот Џанулиџи Донарума и тврди дека може да биде подобар од него.
Донарума викендов наполни 18 години, а веќе има 60 настапи за гигантот од Милано и стана најмладиот дебитант во историјата на италијанската репрезентација.
Воздухот што нè убива: Зошто Скопје е меѓу најзагадените градови?
„Во иднина го гледам како подобар од мене. Прави неверојатни работи, сигурно ќе има феноменална кариера. Неговиот почеток на кариерата е неверојатен и многу ветува. Мојот совет е да остане скромен и да работи секојдневно за да се подобри, особено во техничкиот аспект кој некои голмани го забораваат“, изјави легендарниот Зоф.
Донарума е под договор со Милан, но за него се интересираат бројни европски гиганти кои се спремни да плататцело богатство за неговиот потпис.
„За иднина ќе му бидат потребни срце и разум. Мислам дека веќе е во небо и дека не треба да размислува за промени. Моментално му е добро во Милан, тоа е еден од најголемите клубови во светот, а после неколку години може да размислува за иднината“, заклучи Зоф.
Учество во игри на среќа е дозволено за лица со 18+ години. Играј одговорно!