Левандовски: Реал е фаворит, но тоа не мора ништо да значи

Напаѓачот на Баерн, Роберт Левандовски смета дека неговиот клуб го очекуваат два тешки натпревари против Реал Мадрид, но дека Баерн е во добра форма.

Полјакот пред првиот полуфинален меч вели дека Реал е фаворит, но дека тоа не мора ништо да значи.

„Реал е фаворит, но тоа не значи дека ќе не победат. Кога два пати во низа ја освоите Лигата на шампионите, тогаш морате да бидете фаворитите во овие натпревари, но мислам дека нема да се фокусираме на тоа. Во добра форма сме и нашите последни резултати се позитивни. Сега размислуваме само за Реал“, истакна Левандовски па продолжи:

„Мораме да бидеме потполно сконцентрирани, фокусирани, не смееме да правиме грешки и мораме нивните евентуални грешки максимално да ги користиме. Што се однесува до Роналдо, тој е феноменален, но Реал не е само еден играч“, истакна Левандовски.

За потсетување, утрешниот меч ќе се одигра во Минхен од 20:45.