Лајпциг го договори трансферот на Андре Силва

Лајпциг постигна договор со Ајнтрахт Франкфурт за трансфер на португалскиот напаѓач Андре Силва, пренесува „Билд“.

Весникот открива дека Лајпциг за 25-годишниот напаѓач ќе плати 23 милиони евра.

Андре Силва одигра фантастична сезона во Бундеслигата и постигна 28 гола на 32 натпревари, па го привлече вниманието на многу клубови.

Андре Силва веќе ги договорил личните услови со Лајпциг, каде ќе заработува 4 милиони евра по сезона, па во секој момент се очекува официјализација на трансферот.

5 милиони евра од трансферот ќе завршат во касата на Милан, поранешниот клуб на Португалецот, кој задржа 20% од неговите права.